Bossi i ‘Twitter’-it Elon Musk ka reaguar në lidhje me lidhjen e re të ish-gruas të tij, Talulah Riley, 37 vjeç me të cilën ishte martuar jo vetëm një herë, por dy herë.
Lidhja e re e ish-partneres së tij me Thomas Brodie-Sangster ka sjellë dhe një reagim të Elon Musk pas postimit në ‘Twitter‘, pas divorcit të tyre në vitin 2016.
Talulah dhe Thomas janë fejuar dhe lajmin e kanë konfirmuar duke e shpërndarë në profilet e tyre në rrjetet sociale. Ylli i “The Queen’s Gambit” ndau një foto të tij dhe Riley ku shkroi: “I lumtur të njoftoj se unë dhe Talulah jemi fejuar. Dashuria është rreth X”.
Talulah, nga ana tjetër përdori Tëitter-in, platformën e ish-bashkëshortit të saj për të ndarë lajmin e lumtur. “Shumë e lumtur të ndaj që pas dy vitesh lidhje, Thomas Brodie-Sangster dhe unë jemi fejuar!” ka shkruar ajo.
Postimi nuk ka kaluar pa u vënë re nga Elon Musk, i cili komentoi “Urime”, e ndjekur nga një emoji me zemër të kuqe.
Ky veprim i Musk ka bërë që nga ana tjetër të ketë dhe reagime të shumta në rrjet.
